Cyngor Cymuned Betws-Y-Coed

Croeso i wefan Cyngor Cymuned Betws-y-Coed. Gobeithio y byddwch yn darganfod y wefan yn ddefnyddiol a gwybodus.

Mae’r Cyngor yn cynrychioli cymuned Betws-y-Coed yn ogystal a diddordebau'r miloedd lawer o ymwelwyr sydd yn mwynhau'r tawelwch ynghyd a harddwch y lleoliad yng nghanol Parc Cenedlaethol Eryri.

Mae’r Cyngor yn gyfrifol am amryw o adnoddau lleol sef y Rhaeadr Ewynnol, y Neuadd Goffa, a Chae Llan.

Coronavirus Yn ystod y cyfnod anodd hwn, mae'r Cyngor Cymuned yn awyddus bod rhai pobl yn y gymuned sydd angen cymorth yn cael ymateb mor fuan a phosib. Os oes angen cymorth arnoch neu yn ymwybodol o rhywun sydd eisiau help, cysylltwch a Caerwyn Roberts y clerc neu y Cadeirydd Gareth Wynne gyda manylion y person a pha gymorth sydd ei angen.

Pob blwyddyn, mae'r cyfrifon blynyddol yn cael eu harchwilio gan Archwilydd Cyffredinol Cymru ac mae gan unrhyw berson sydd a diddordeb gyfle i archwilio a gwneud copiau o'r cyfrifon a'r holl lyfrau, gweithredoedd, contractau, biliau, talebau a derbynebau ayyb am 20 diwrnod o’r dyddiad cyhoeddi Rhybudd o Archwiliad ar gyfer Arfer Hawliau Etholwyr.

Oherwydd cyfyngiadau argyfwng COVID 19, nid yw yn bosib i’r Swyddog Cyllid Cyfrifol gwbwlhau’r datganiad o’r cyfrifon na’r ffurflen flynyddol ar gyfer y flwyddyn diweddu 31 Mawrth 2020.

Pan ddaw yr amser ble fydd posib i’r Cyngor gyfarfod i gymeradwyo’r cyfrifon bydd yr archwilydd allanol yn cyhoeddu Rhybudd o Archwiliad ar gyfer Arfer Hawliau Etholwyr.